Pejë, 14 prill - Prokuroria Themelore në Pejë Departamenti i Krimeve të Rënda, ka ngritur aktakuzë kundër të pandehurit O. G.

Sipas aktakuzës O. G, në cilësinë e personit zyrtar ka keqpërdorur pozitën e tij dhe në mënyrë të drejtpërdrejtë ka kërkuar dhe pranuar nga i dëmtuari një shumë të hollash prej njëqindepesëdhjetë (150.00) euro përfitim për vete, që të veprojë në pajtim me detyrën e tij zyrtare.

I pandehuri O.G, me këto veprime dyshohet se ka kryer veprën penale të marrjes së ryshfetit nga neni 428 paragrafi 1 të KPRK-së.