Prishtinë, 4 qershor - Drejtori ekzekutiv i Agjencisë kundër korrupsionit, Hasani Preteni ka paralajmëruar se do të ushtrojnë kallëzime penale për zyrtarët publikë të cilët nuk e kanë deklaruar pasurinë apo e kanë deklaruar rrejshëm atë.

Në një bisedë për ‘Epokën e re’, Preteni është shprehur i pakënaqur me luftimin e korrupsionit në Kosovë.

Ai ka thënë se niveli më i lartë i korrupsionit është i shprehur tek prokurimi publik-tenderomania.

Preteni ka vlerësuar se prokurorët duhet të kenë vullnet dhe guxim për t’i ndjekur penalisht të gjithë ata që e keqpërdorin paranë publike.