Prishtinë, 24 mars - Policia e Republikës së Kosovës ka bërë të ditur se ka arrestuar një të dyshuar dhe konfiskoi  mbi 25 kilogram substance narkotike qe dyshohet të jetë e llojeve kokainë dhe marihuanë.

Policia ka theksuar se dje rreth orës 01:00 në lagjen Osek Pashë komuna e Gjakovës, Drejtoria për Hetimin e Trafikimit me Narkotikë konkretisht njësia në Pejë në mbështetje të njësive relevantë policore ka realizuar  një operacion policor duke kryer  bastisjen e një shtëpie.

Gjatë këtij operacioni policor është arrestuar personi i dyshuar N. D,  i lindur me 1969,  m/sh/k  me dyshimin e bazuar se i njëjti  ka kryer veprat penale ‘Blerje, posedim dhe shpërndarje e paautorizuar e narkotikëve dhe substancave psikotropike si dhe Mbajtja në pronësi, kontroll ose posedim të paautorizuar të armëve’.

\"Këtij operacioni policor i parapriu një punë hetimore dhe operative  e hetuesve policor më  ç’ rast  rezultoi me konfiskimin e  24 kilogram e 454.8  gram substancë narkotike qe dyshohet të jetë e llojit marihuanë  dhe një kilogram e 253.5 gram  substancë narkotike që dyshohet e jetë llojit  kokainë si  dhe  një pushkë gjuetie e llojit  Churchill me  tetë fishekë\", bën të ditur policia.

Substanca narkotike është gjetur në oborrin e shtëpisë  gjatë  bastisjes në veturën e të dyshuarit  Golf-IV- ngjyrë e hirit me targa vendore  në bagazh dhe vetura është konfiskuar , ndërsa arma është gjetur brenda  në shtëpinë e të dyshuarit.

Të gjitha veprimet policore lidhur me ketë raste janë kryer nën autorizimin e Prokurorit  përkatës dhe ndaj personit të arrestuar  është shqiptuar masa e ndalimit policorë për 48 orësh.