Prishtinë, 29 tetor - Policia e Kosovës ka bërë të gjitha përgatitjet e duhura lidhur me vizitim e sekretares së SHBA-së, znj, Hilary Clinton dhe përfaqësuesja e lartë  për politikë të jashtme dhe siguri të bashkimit evropian znj, Catherine Ashton, vizitë kjo e cila do të ndodhë më 30-31 tetor.

Policia e Kosovës me vigjilencë dhe profesionalizëm maksimal do të ofrojë shërbimin e vet të sigurimit të delegacioneve  në fjalë, duke siguruar një qarkullim më të lehtë dhe të shpejtë  sipas agjendave dhe planeve të parapara.

Gjatë lëvizjes së eskortës së delegacioneve mund të ketë ndërprerje të përkohshme të trafikut me kohëzgjatje  prej 3 deri 5 minuta në rrugët  nga Aeroporti ndërkombëtar “Adem Jashari”  në Prishtinë në drejtim të Prishtinës dhe  në disa rrugë  ne brendi të kryeqytetit.

Policia e Kosovës në të gjitha rastet do të beje riorientimin e trafikut në të gjitha rrugët alternative.

Për këtë Policia e Kosovës kërkon mirëkuptimin nga të gjithë qytetarët e në veçanti nga të gjithë pjesëmarrësit në  trafik.