Prishtinë, 6 korrik - Policia e Kosovës ka njoftuar se mbrëmë rreth orës 23:00 gjatë një operacioni të zhvilluar nga Drejtoria për Hetimin e Trafikut me Narkotikë ka konfiskuar rreth 350 kilogramë substanca narkotike të llojit marihuanë.

Operacioni thuhet se është zhvilluar në disa lokacione të rajonit të Prizrenit dhe Ferizajt.

Lidhur me këtë rast janë arrestuar pesë persona, ndërsa aksioni ka rezultuar edhe me konfiskimin e armëve dhe parave të gjetura.

Ministri i Punëve të Brendshme, Bajram Rexhepi, e ka përshëndetur këtë aksion, dhe ka deklaruar se investimet që MPB-ja i ka bërë për Drejtorinë Anti-drogë janë shpaguar.