Prishtinë, 12 nëntor - Sot në Golesh-Sllatinë, Policia e Kosovës dhe UNDP do të organizojnë shkatërrimin publik të municionit nga pjesëtarët e Policisë së Kosovës.

Gjithashtu, do të bëhet edhe certifikimi i 20 pjesëtarëve të Policisë së Kosovës për shkatërrim të municionit dhe mjeteve piroteknike.

Ky donacion është mundësuar nga zyra Gjermane e Punëve të Jashtme dhe është pjesë e përkrahjes së vazhdueshme  të projektit të UNDP-së, “FERM  për Strategjinë dhe Planin e Veprimit për Kontrollin dhe Grumbullimin e Armëve të Vogla dhe të Lehta (SALW).  Projekti “FERM” është vazhdimësi e projektit të UNDP-së KOSSAC i cili për 7 vite rresht dha mbështetje në këtë fushë.

Në këtë ceremoni do të marrin pjesë:  Bajram Rexhepi, ministër i Punëve të Brendshme, Shpend Maxhuni, drejtor i Përgjithshëm i Policisë së Kosovës,  Henriette Kötter, sekretarja e parë pranë Ambasadës Gjermane dhe  Alessandra Roccasalvo, zëvendës-përfaqësuese e  Përhershme UNDP-së.  

Trajnimi është mbajtur nga ekspertë të kompanisë britanike “Explosives Capabilities Limited”, kompani e njohur botërisht në këtë fushë, e angazhuar enkas nga ana e UNDP-së.