Prishtinë, 25 maj - Policia e Kosovës, në vazhdën e luftimit të dukurive kriminale, ka zhvilluar një hetim të cilin e ka realizuar Sektori Qendror i Hetimeve të Trafikimit me Njerëz i Drejtorisë për Hetimin e Trafikimit me Qenie Njerëzore.

Hetimi është udhëhequr nga Prokuroria Themelore, Departamenti për Krime të Rënda në Prishtinë. Gjatë hetimit është zbatuar urdhëresa e gjykatës për masa të fshehta të hetimit dhe zbulimit.

Me datën 24 maj 2017 janë arrestuar pesë persona nën dyshimin e bazuar për përfshirje në veprat penale ‘mundësim apo detyrim në prostitucion’ dhe ‘bashkëkryerje”.

Me aktvendim të prokurorit kompetent janë dërguar në mbajtje për 48 orë tre të dyshuarit:

B. K. viti i lindjes 1962; M. K.  viti i lindjes 1994 dhe A. R. viti i lindjes 1995

Kurse dy të dyshuara janë liruar në procedurë të rregullt:

A. B.  viti i lindjes 1989 dhe
N. H.  viti i lindjes 1999   
 
Gjatë realizimit të këtij plani janë gjetur dhe janë konfiskuar prova relevante për rastin.