Prishtinë, 17 mars - Policia e Kosovës ka njoftuar se Drejtoria Rajonale e Policisë së Prishtinës  ka realizuar urdhëresën e lëshuar nga Gjykata Themelore në Prishtinë  me ç’ rast ka  arrestuar personin e kërkuar  Z. B i lindur me 1962, mashkull shtetas i Kosovës i cili ishte në kërkim më urdhër arrest të Gjykatës.

Personi i arrestuar është i dënuar nga Gjykata me katër vite e gjashtë muaj burg për shkak të veprës penale “Mashtrim në vazhdimësi” .

Në rrugë operative policia kishte pranuar informata për vendqëndrimin momental të  tij dhe  pas një operacioni policor është kryer arrestimin e tij në shtëpinë e tij në Fshatin Bardhosh komuna e Prishtinë.

I njëjti është dërguar  në qendrën e mbajtjes deri në kompletimin e procedurave tjera nga organet Gjyqësore.