Prishtinë, 31 maj - Në vazhdimësi të hetimeve të rasteve të trafikimit me qenie njerëzore,  Drejtoria për Hetimin e Trafikimit me Qenie Njerëzore, përkatësisht njësi të  kësaj Drejtorie në dy operacione policore të ndara kanë arrestuar pesë  persona të cilët në vazhdimësi merreshin me veprimtari kundërligjore.

Njësia  Kundër Trafikimit, Ferizaj  dje në qytetin e Ferizajt  ka  arrestuar një  person të dyshuar për kryerjen e veprës penale të trafikimit me qenie njerëzore.

Lidhur me këtë  rast janë identifikuara dy viktima sh/kosovare të trafikimit,  të cilat fillimisht ishin mashtruar dhe më pastaj të dyshuarit i kanë kërcënuar në forma të ndryshme për ti ofruar  shërbime seksuale personave të ndryshëm.

Personi i  arrestuar është B. S. dl. 01.09.1968  mashkull - shtetas kosovar

Njësia  Kundër Trafikimit – Gjilan   në orët e hershme sotit në rajonin  e Gjilanit i ka arrestuar katër të dyshuar të cilët ishin përfshirë në veprën penale të trafikimit të qenieve njerëzore, në këtë rast është   identifikuar një viktimë sh/kosovare e trafikimit.

Viktima ishte mbajtur mbyllur në një lokacion dhe të dyshuarit  ne bashkëpunim e kanë  detyruar  të ofronte shërbime seksuale kundër vullnetit të saj.

Viktima ka arritur të largohet nga të dyshuarit dhe e ka raportuar rastin  në polici

Personat e arrestuar për  veprën penale trafikim me qenie njerëzore janë:

    XH. H. dl. 05.02.1976  mashkull   -  shtetas  kosovar
    F.  A.  dl. 11.05.1991  mashkull  -  shtetas kosovar
    I.  A.   dl. 06.01.1990 mashkull   -  shtetas kosovar
    E. A.  dl. 19.05.1994  mashkull  -  shtetas kosovar 

Me aprovim të Prokurorit të Qarkut-Gjilan  iu është caktuar masa e ndalimit policor  prej 48 orëve për të vazhduar me proceduar të mëtutjeshme.