Prishtinë, 4 korrik  – Policia njofton se se sot në orën 09:35, në fshatin Doberdol ka ndodhur një vet aksident trafiku ku për pasojë tre persona (zyrtarë policorë), kanë marrë lëndime trupore.

\"Në këtë vet aksident ka qenë e përfshirë vetura zyrtare e policisë  “Land Rover”, e cila për shkaqe aktualisht të panjohura ka humbur kontrollin dhe është rrokullisur\", njofton policia.
 
Bëhet e ditur se tre personat të cilët  kanë qene në veturë, kanë pësuar lëndime trupore dhe të njëjtit janë dërguar për tretman mjekësor në QKUK.

Në vendin e ngjarjes ndodhen njësitet policore të cilat po merren me ekzaminimin e vendit të ngjarjes, si dhe hetimin e shkaqeve dhe  rrethanave që lidhen me këtë ngjarje.