Skenderaj, 4 nëntor - Sot në fshatin Polac të Komunës së Skenderajt do të përurohet kompleksi memorial si dhe do të behët zbulimi i pllakes përkujtimore në nderim të 86 dëshmorëve dhe martirëvete të fshatit të rënë në luftën e lavdishme të UÇK-se në vitin 1998/1999.

Projekti për ndërtimin e Kompleksit të varrezave të dëshmorëve dhe martirëve të luftës së fundit të fshatit Polac është hartuar dhe financuar nga Agjencia për Menaxhimin e Komplekseve Memoriale në Kosovë.

Projekti po ashtu është inciativë e ish kryetarit të fshatit Polac Isuf Hoti dhe asambleisti i Kuvendit Komunal të Skenderajt, Afrim Kabashi.

Asambleisti Kabashi ka thënë së nga lufta në fshatin Polac janë të vrare 88 dëshmor dhe martirë gjatë viteve 1998-1999, ndërsa të zhdukur janë 7 persona.

"Është obligim i ynë që t’i nderojmë dhe t'i kujtojm të gjithë dëshmorët dhe martirët e lirisë, pasi sakrifica e tyre na ka mundësuar lirinë dhe pavarësinë e Kosovës", ka theksuar Kabashi.