Përfundoi vizita dy ditore e delegacionit nga EMCDDA
Qëllimi i vizitës ishte organizmi i një punëtorie mbi Sistemin e Paralajmërimit të Hershëm për Substanca të Reja Psikoaktive (NPS).
Gjatë kësaj vizite, grupi i eksperteve të EMCDDA, zhvilloi punëtori me zyrtarë nga Ministria e Punëve të Brendshme, Policia e Kosovës, Ministria e Shëndetësisë, Ministria e Arsimit, Agjencive tjera dhe zyrtar nga OJQ Labyrinth.
Drejtori i Departamentit për Kimi dhe Biologji Forenzike nga Agjencia e Kosovës për Forenzikë e Ministrisë së Punëve të Brendshme, Sokol Deda, i informoi të pranishmit për situatën e drogave në Kosovë.
Ai me këtë rast vuri në dukje legjislacionin vendor që rregullon problematiken e narotikëve në përgjithësi, si dhe bëri një prezantim të gjerë të Strategjisë Nacionale kundër Narkotikeve dhe Planin e Veprimit 2012/2017 .
Në përmbyllje të vizitës, ekspertët nga EMCDDA së bashku me zëvendësministrin e Ministrisë së Punëve të Brendshme, respektivisht Koordinator Nacional kundër Narkotikeve, Nehat Mustafa dhe zyrtar të MPB-së, vizituan laboratorin në Agjencinë e Kosovës për Forenzikë, ku u priten nga Kryeshefi i kësaj Agjencie, Blerim Olluri dhe u njoftuan për punët që kryen ky Agjencion
Delegacioni nga EMCDDA u ndanë të kënaqur me progresin e arritur dhe mënyrën e funksionimit të kësaj Agjencie dhe me rezultatet që ka arritur.
Në fund të takimit zëvendësministri, Nehat Mustafa, falënderoi grupin e eksperteve të EMCDDA për vizitën që realizuan në Kosovë, për ndihmën e ofruar dhe shprehu gatishmërinë e Republikës së Kosovës në luftën kundër Narkotikeve dhe përmbushjen e të gjitha zotimeve që dalin nga ky bashkëpunim me EMCDDA.
Gjithashtu zëvendësministri Mustafa kërkoi që pjesë e këtyre bashkëpunimeve të jetë ofrimi i mbështetjes në fushën e trajnimeve, si dhe pajisja me teknologji për institucionet e Kosovës.
