Vushtrri, 29 nëntor  - Agjencioni për Menaxhim të Emergjencave i Ministrisë së Punëve të Brendshme përfundoi trajnimin për shuarjen e zjarreve fushore e malore, si dhe trajnimin për vozitje emergjente të zjarrfikësve nga Prishtina, Gjilani, Mitrovica, Vushtrria, Theranda, Malisheva, Juniku dhe Istogu.

Në ceremoni të diplomimit mori pjesë nënkryetarja e Komunës së Vushtrrisë, Xhevahire Izmaku dhe zyrtarë të Agjencionit për Menaxhim të Emergjencave të MPB-së.

Në trajnime morën pjesë edhe pjesëtarët e nacionalitetit serbë e boshnjak. Në bazë të kompetencave të shtuara të Agjencionit për Menaxhim Emergjent, Qendra e Trajnimit dhe Edukimit e AME, organizon trajnime të profileve adekuate.

Zyrtarët e Agjencionit po ngriten profesionalisht në kryerjen e detyrave krahas misionit të vet, duke i dhënë përparësi shpëtimit të jetës së njeriut, mbrojtjes së pasurisë shtetërore dhe asaj private.