Prishtinë, 1 shkurt - Megjithëse planet janë që brenda këtij viti Kosova ta përfundoj procesin e mbikëqyrjes ndërkombëtare, FSK-ja do të mbetët FSK të paktën edhe për një vit.

FSK-ja nuk do të mund të shndërrohet në ushtri, sepse transformimi nuk ka të bëjë direkt me përmbylljen e pavarësisë së mbikëqyrur ka thënë për Radio Dukagjinin, Ministri i kësaj Force, Agim Çeku.

“Nuk ka lidhje të drejtpërdrejt mes fundit të mbikëqyrjes dhe transformimit të FSK-së. Sipas ligjit në fuqi, sipas Kushtetutës, tek kur kalojnë pesë vjet nga themelimi i FSK-së e që është 2013-ta, kjo Forcë mund të transformohet në atë çka i duhet Kosovës. 2013-ta do të jetë viti i ushtrisë”, ka thënë Çeku.