Prishtinë, 3 korrik - Një gjyqtar i EULEX-it ka urdhëruar që të bëhet paraburgimi i dy të dyshuarve në lidhje me një incident me të shtëna ndërmjet Gjilanit dhe Bujanocit afër Portës 5.

Tre të dyshuarit e tjerë janë urdhëruar të paraqiten në stacionin e policisë dhe u janë marrë pasaportat.

Incidenti ka ndodhur afër kufirit/kufirit administrativ ndërmjet Kosovës dhe Serbisë në orët e hershme të mëngjesit më 28 qershor 2012.

Të dyshuarit janë arrestuar më 1 korrik 2012 nga policia e EULEX-it dhe janë akuzuar për kryerje të veprës terroriste dhe pjesëmarrje në grup terrorist për gjoja gjuajtjen në pikën e kontrollit të policisë serbe afër Portës 5.

Hetimi, i udhëhequr nga një prokuror i EULEX-it nga Prokuroria Speciale e Kosovës, është mbështetur nga KFOR-i dhe Policia e Kosovës.