Prishtinë, 14 prill - Ministri i Punëve të Brendshme, Skender Hyseni, priti në takim shefin e misionit të OSBE-së në Prishtinë, Ambasadorin Jean-Claude Schlumberger.

Me këtë rast, u diskutua për bashkëpunimin e deritashëm mes Organizatës për Siguri dhe Bashkëpunim Evropian  në Kosovë dhe Ministrisë së Punëve të Brendshme.

Ministri Hyseni siguroi ambasadorin e OSBE-së se ky bashkëpunim do të vazhdojë edhe në të ardhëm dhe shprehi  gatishmërinë e plotë për bashkëpunim të agjencive të zbatimit të rendit dhe ligjit me misionin e OSBE-së.

Ndërsa, Ambasadori Schlumberger theksoi se misioni i OSBE- së do të vazhdojë që ta të përkrahë Ministrinë e Punëve të Brendshme në zhvillimin e mëtejmë të institucioneve demokratike, në promovimin e të drejtave të njeriut, komuniteteve dhe sundim të ligjit.