Prishtinë, 3 korrik - Në vazhdën e luftimit të formave të krimit të organizuar, Drejtoria për Hetimin e Krimit të Organizuar në mbështetje të njësive përkatëse, sot ka ndërmarrë një operacion të koduar me emrin ”Mali”.

Gjatë këtij operacioni është bërë kontrollimi i disa lokacioneve të ndryshme në rajonin e Pejës, më konkretisht në komunën e Klinës.

Gjatë zhvillimit të  operacionit zyrtarët policor kanë arrestuar tre persona m /sh/k/.

· F.  D.  Lindur më 1981

· H. M.  Lindur më 1983

· F.  S.   Lindur më 1981

Gjithashtu është bërë edhe konfiskimi i një sasie armatimi, municioni  dhe pajisje për modifikim të armëve siç vijon,

· një AK 47

· një pushkë M48

· tri pushkë gjuetie

· pesëdhjetë e katër copë (54) municion të kalibrave të ndryshëm dhe

· pajisje për modifikim të armëve

Personat e arrestuar dyshohet të janë pjesë e grupit kriminal që ka vepruar në territorin e Kosovës dhe shtetet fqinje. Njeri nga personat e arrestuar dyshohet të jetë i përfshirë edhe në disa raste të vjedhjeve të rënda.

Veprimtaria kriminale e këtij grupi është: Krim i Organizuar-Furnizim, transportim, prodhim, këmbim ose shitje e paautorizuar e armëve dhe municioneve.

Ky operacion policor është në vazhdimësi të operacionit të ndërmarrë në dhjetor të vitit 2011, ndërkohë personat e dyshuar, tanimë të arrestuar, me urdhër të Gjykatës së Qarkut  Prizren janë dërguar në qendrën e ndalimit në Prizren për procedim të mëtutjeshëm.