Prishtinë, 4 tetor - Më 3 tetor 2012 Drejtoria për Hetimin e Krimeve Ekonomike dhe Korrupsionit, ka zhvilluar një operacion policor sipas planit operativ të koduar “Euro 2012”.

Hetuesit policorë kanë ndërmarrë një operacion të gjerë policor në rajonin e përgjegjësisë të Drejtorisë rajonale të Prishtinës me ç’rast kanë bastisur 5 lokacione të ndryshme, bastisje këto të cilat kanë rezultuar me konfiskimin e 43.000$ dollarë (bankënota të dyshuara si të falsifikuara) dhe 100 € (bankënota e dyshuara si e falsifikuara).

Operacioni është zhvilluar në bashkëpunim me Inspektoratin policor të Kosovës.

Njëri nga të dyshuarit tanimë i arrestuar është pjesëtar i Policisë së Kosovës.

Gjatë operacionit të zhvilluar janë arrestuar 5 persona të dyshuar:

1.    M. M.            lindur më 1971             mashkull kosovar shqiptar

2.    N. A.             lindur më 1959             mashkull kosovar shqiptar

3.    P. C.             lindur më 1988             mashkull kosovar shqiptar

4.    M. S.            lindur më 1970             mashkull kosovar shqiptar

5.    R. M.            lindur më 1985             mashkull kosovar shqiptar

I tërë operacioni është zhvilluar nën mbikëqyrjen e prokurorit të Prokurorisë Publike të Qarkut në Prishtinë, ndërkohë që personave të dyshuar u është caktuar masa e ndalimit policor për 48 orë.