Mitrovicë, 18 prill - "Ne po vijmë" është mesazhi që organizata ultra-nacionaliste serbe Obraz ka lënë në dyert e pak shqiptarëve të mbetur në veri të Mitrovicës, tek Tre Rrokaqiejt, raporton Balkan Insight.

Policia e Kosovës ka thënë se kjo ka shtuar pasigurinë tek shqiptarët, dhe rasti po hetohet. Zëdhënësi Besim Hoti ka thënë se po hetohet nëse ky ka qenë akt individual apo organizuar.

Obraz është një organizatë e ekstremit të djathë që lufton për “Serbinë e Madhe dhe të pastër me krishterë ortodoksë”.