Kumanovë, 10 maj - Ushtria Çlirimtare Kombëtare (UÇK) thotë se konflikti i armatosur në qytetin e Kumanovës është një reagim i vendosur i strukturave të Ushtrisë Çlirimtare Kombëtare dhe jo “i grupeve terroriste”.

Ushtria Çlirimtare Kombëtare thotë se konflikti i armatosur në qytetin e Kumanovës, dhe rrethinat e tij është një reagim i vendosur i strukturave të Ushtrisë Çlirimtare Kombëtare dhe jo “i grupeve terroriste”, sipas variantit zyrtar të Ministrisë së Brendshme të IRMJ.

Përmes një komunikate të dërguar mediave thonë se deklarimet e Jankullovskës janë të sakta për dëmet që kanë pësuar forcat e saj kriminale.

Rezultojnë 5 policë të vrarë dhe mbi 20 të plagosur. Kjo është pasoja e reagimit tonë të ashpër, të cilin nuk do ta ndalim në ditët që vijnë.

Jankullovska tu vërë emrin e vërtetë “të arrestuarve” pas “dorëzimit të tyre”, të mos mashtroje opinionin e vëmendshëm shqiptar dhe më e pakta, ti kthejë edhe një herë prapa ata civilë të paguar dhe ti veshë me uniformën ushtarake.

“Ne hedhim poshtë me përbuzje këtë inskenim të turpshëm dhe amator, pre e të cilave janë bërë një numër i madh portalesh dhe gazeta e agjensi lajmesh, të cilat në mënyrë jo profesionale janë përpjekur të dezinformojnë opinionin shqiptar. Jemi mësëuar me veprime e qëndrime të tilla policore në një qeveri policore. Mashtrimi sipas versionit zyrtar të Ministrisë së Brendshëshme të IRMJ tregon qartë frikën që ka kapur strukturat shtetërore, përballë reagimeve tona dhe valës në rritje të protestave paqësore të shqiptarëve kudo, brenda dhe jashtë IRMJ. Mbështetja e vëllezërve tanë brenda dhe jashte territoreve shqiptare është e ndjeshme dhe vazhdon të jetë në rritje”, thonë ata.

Thonë se forcat e tyre janë plotësisht të organizuara në zonën e tyre të aksionit, të disponueshme dhe të afta, me mjete të mjaftueshme që të vazhdojnë luftën kundër strukturave kriminale të shtetit të IRMJ.

Sipas tyre, shpifjeve “zyrtare” të Jankullovskës u doli ngjyra edhe në këtë rast.

“I bëjmë me dije qeverisë shqiptare në Tiranë dhe në Prishtinë, larg fjalëve diplomatike të pavlera për këtë situatë, të kthejnë vëmendjen me reagimin pozitiv drejt organizatave ndërkombëtare evropiane, për ndaljen e dhunës policore mbi popullsinë civile të pafajshme. Ne nuk do të mbajmë më përgjegjësi për ata shqiptarë që vazhdojnë të qëndrojnë brenda strukturave policore dhe ushtarake të shtetit të IRMJ. Strukturat e Ushtrisë Çlirimtare Kombëtare janë në mbrojtje të popullatës dhe ju bëjnë thirrje qytetarëve të jenë të kujdesshëm dhe rrijnë larg vatrave të përplasjes me armë”, thuhet në këtë komunikatë.

Letra përfundon me : Të gjithë bashkë, kundër shpifjeve, gënjeshtrave, përçarjes dhe akuzave pseudopatriotike, me besim se do ta rrëzojmë këtë regjim kriminal, për ti hapur rrugën lirisë dhe dinjitetit kombëtar.