Drenas, 12 qershor - Sot në orën 14:07 minuta, policia  ka marrë informacionin se në Drenas te blloku nr. 1, përderisa po ekzekutohej një procedurë përmbaruese, ka ardhur deri te plagosja e një qytetari (nuk është pjesëtarë i Policisë së Kosovës) .

Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore, të mbështetura edhe nga njësiti rajonal për hetimin e krimeve, prokurori i shtetit si dhe njësitë e tjera për ekzaminim të vendngjarjes.

Në vendngjarje  policia ka konstatuar se;
 
· F.SH. mashkull, shtetas Kosovar,  ka marrë plagë nga arma e zjarrit dhe i njëjti
është dërguar në QKUK, për trajtim të mëtejmë mjekësor.

Ndërkohë që puna hetimore e policisë ka vazhduar, policia ka gjetur dhe sekuestruar edhe;

· Një  revole të tipit T.T, të kalibrit 7.62 mm, si dhe ka arrestuar një person për të cilin ka ngritur dyshimet se mund të jetë i përfshirë në rast.

Policia bashkërish me prokurorin e çështjes po ndërmarrin të gjitha veprimet hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin .