Një muaj paraburgim për Donika Kadaj - Bujupi
Masa e shqiptuar prej 30 ditësh paraburgim ndaj deputetes Kadaj- Bujupit vjen për shkak të dyshimit të bazuar se ka kryer veprën penale.
Këtë e ka konfirmuar avokati Arianit Koci. Ai tha se do të ushtrojë ankesë ndaj këtij vendimi.
Përdorimi i armës apo mjetit të rrezikshëm nga neni 375 par.2 lidhur me nenin 31 të KPK, dhe veprën penale: përdorimi i armës apo mjetit të rrezikshëm nga neni 375 par.1 të KPK dhe vendosi që ndaj të njëjtës të caktoi paraburgimin në kohëzgjatje prej 1 (një) muaji llogaritur nga data e ndalimit përkatësisht nga data 18.11.2015, thuhet në njoftim.
Nderkaq vendimi i Gjykatës Themelore duke i shqiptuar masën e paraburgimit 30 ditësh, deputetes së AAK-së, Donika Kadaj-Bujupi sipas Aleancës për Ardhmërinë e Kosovës përfundimisht ka dëshmuar se vendimi është politik dhe ky është hapi i parë i një kalimi nga demokracia parlamentare në një sistem diktatorial.
Për AAK’në si parti dhe për grupin parlamentar të saj, ky vendim është I porositur nga pushtetarët dhe si i tillë edhe i papranueshëm.
"Në mungesë të një reflektimi të Presidentës, dhe Kryetarit të Kuvendit për të mbrojtur integritetin e deputetit të zgjedhur nga populli, AAK nuk do të qetësohet derisa deputetja Donika Kadaj-Bujupi të mos jetë e lirë", thekson AAK.
