Prishtinë, 19 tetor - Sot në Prishtinë do të mbahet një ceremoni me rastin e shënimit të “Javës për të Drejtat e Viktimave të Krimit”, e cila shënohet nën patronazhin e Kryeprokurorit të Shtetit.

Në këtë ceremoni do të marrin pjesë presidentja e Republikës së Kosovës, Atifete Jahjaga, kryeprokurori i shtetit, Aleksandër Lumezi, kryeministri i Republikës së Kosovës, Isa Mustafa, ministri i Drejtësisë Hajredin Kuçi, kryesuesi i Këshillit Gjyqësor të Kosovës Enver Peci, drejtori i Policisë Shpend Maxhuni, ambasadori i Shteteve të Bashkuara të Amerikës në Prishtinë Greg Delawie, mysafirë nga SHBA-të, si dhe përfaqësues të institucioneve vendëse dhe ndërkombëtare.