Prishtinë, 7 qershor - Me keqardhje i njoftojmë të gjithë pjesëtarët e Forcës së Sigurisë së Kosovës(FSK), bashkëluftëtarët, miqtë dhe opinionin e gjerë, se pas një sëmundje të rëndë, më 7 qershor 2016 në Gjermani, ka ndërruar jetë pjesëtari i FSK-së, rreshter Ahmet (Sheqir) Menxhiqi, pjesëtarë i Batalionit të Tretë të Reagimit të Shpejtë, në Kazermën ,,Minatorit’’ në Mitrovicë.

I ndjeri, rreshter Ahmet Menxhiqi u lind më 19 mars 1977 në Sfaraqak, komuna e Vushtrisë. Ai që nga mosha rinore i shërbeu vendit duke u radhitur fillimisht në radhët e Ushtrisë Çlirimtare të Kosovës(UÇK), në luftën për çlirimin e Kosovës, pastaj pas çlirimit u angazhua me shërbim në Trupat e Mbrojtjes së Kosovës(TMK).

Rreshter Menxhiqi, pas vetes ka lënë prindërit, bashkëshorten dhe tre fëmijë.

Për datën e varrimit opinioni do të njoftohet paraprakisht.