Prishtinë, 13 qershor - Ministria e Punëve të Brendshme (MPB) nga sot  ka  filluar  lëshimin e pasaportave biometrike me dizajn të ri,  ku faqja e personalizimi i të  dhënave  do të jetë  me  ngjyra.

Me këtë rast, MPB plotëson kriterin e kërkuar nga Bashkimi Evropian për sigurinë e dokumenteve të udhëtimit për vitin 2014, pasi që pjesa elektronike e prodhimit të pasaportave është e teknologjisë së fundit.

Personalizimi i kësaj pasaporte bëhet në bashkëpunim me kompaninë gjermane “Giesecke and Devrient”, që është lider në këtë lëmi.