MPB dhe Komunat diskutuan për ekstremizmin dhe terrorizmin
Me këtë rast, ministri i MPB-së, Skender Hyseni falënderoi të gjithë të pranishmit për bashkëpunim dhe gatishmërinë për të punuar me MPB-në duke trajtuar temat e preokupimit dhe shqetësimit të përbashkët.
Ai gjithashtu theksoi se Qeveria Republikës së Kosovës ka aprovuar Strategjinë për luftimin e ekstremizmit dhe radikalizmit.
Ministri Hyseni tha se ligji i cili ka kaluar në Kuvend për parandalimin e pjesëmarrjes në luftërat e huaja, është mbështetur kryesisht ne dispozitat e Rezolutës 2178 të Këshillit të OKB-së të vitit të kaluar, që në esencë përbën themelin e koalicionit global antiterrorist.
Në këtë takim morën pjesë, z. Jean Claude Schlumberger, ambasador i OSBE me mision në Kosovë, Luan Keka, zëvendësdrejtor në Departamentin e Terrorizmit në Policinë e Kosovës, Bajram Gecaj, zëvendësministër në Ministrinë e Administratës dhe Pushtetit Lokal etj.
Ky takim e vlerësoi lartë punën e Këshillit për Siguri në Bashkësi.
