Prishtinë, 6 maj - Ministria e Punëve të Brendshme dhe Këshilli Gjyqësor i Kosovës nënshkruan Marrëveshje  të Bashkëpunimit. Marrëveshja u nënshkrua nga ministri i Punëve të Brendshme, Bajram Rexhepi dhe kryesuesi i Këshillit Gjyqësor të Kosovës, Enver Peci.

Qëllimi i kësaj Marrëveshje është  ofrimi i ndihmës për Këshillin Gjyqësor të Kosovës dhe Gjykatave në Kosovë për të gjetur dhe identifikuar më lehtë personat e ndryshëm të cilët janë palë në procedurat e ndryshme gjyqësore, duke i ofruar të dhënat e caktuara  personale nga Regjistri Civil i Ministrisë së Brendshme  të Kosovës.

Në kudër të kësaj marrëveshje është  ofrimi i të dhënave nga Regjistri Civil i Ministrisë së Punëve te Brendshme, konkretisht i numrit personal identifikues të qytetarit të regjistruar në regjistrin Civil të Kosovës, si dhe vendbanimin dhe adresën e tij të saktë.