Prishtinë, 14 shtator - Ministri i Punëve të Brendshme, Bajram Rexhepi, priti sot një delegacion nga Kantoni i Bernit të Zvicrës të kryesuar nga Ministri i Punëve të Brendshme i Kantonës së Bernit, Hans Jurg Kaser.

Me këtë rast, ministri Rexhepi e falënderoi delegacionin zvicrran për ndihmën e vazhdueshme që kanë dhënë dhe po i japin Republikës së Kosovës.

Gjatë takimit ministri Rexhepi i njoftoi edhe për gjendjen e sigurisë në Republikën e Kosovës dhe se Ministria e Punëve të Brendshme gjatë periudhës së fundit janë marr një varg operacionesh për vënien para drejtësisë të personave që janë të përfshirë në vepra të ndryshme kriminale.

Delegacioni zvicrran u shprehën të gatshëm që të vazhdojnë përkushtimin për ndihmë ndaj Institucioneve të Kosovës dhe vlerësuan raportet e mira mes popullit zvicrran dhe shqiptarë, ku dihet se në Kantonin e Bernës jetojnë një numër i  madh i qytetarëve të Kosovës.