Prishtinë, 23 gusht - Ministri i Punëve të Brendshme, z. Skender Hyseni, në kuadër të takimeve që do të mbajë në të gjitha rajonet e Kosovës do të takohet sot me anëtarët e Forumeve lokale të Sigurisë të regjionit të Gjakovës. 

Në këto takime do të diskutohet për trafikimin me qenie njerëzore, përdorimi i drogave dhe për parandalimin e Radikalizmit dhe Ekstremizmit të dhunshëm që shpie në terrorizëm.

Në komunën e Gjakovës do të marrin pjesë përfaqësuesit e forumeve nga komunat e këtij regjioni: komuna e Rahovecit dhe Malishevës.
 
Takimi do të mbahet në sallën e Kuvendit Komunal në Gjakovë.