Me urdhër të Gjykatës së Posaçme arrestohet ish pjesëtari i UÇK-së, Pjetër Shala
Në një njoftim të këtyre dhomave thuhet se autoritetet belge arrestuan Pjetër Shalën, në bazë të një fletarrestimi dhe aktakuzës së konfirmuar për krime lufte, të lëshuar nga gjykatësi i procedurës paraprake i Gjykatës së Posaçme të Kosovës, me seli në Hagë.
Në njoftim thuhet se ai do të mbahet i ndaluar në Belgjikë, në pritje të transferimit në objektin e paraburgimit në Hagë.
Dhomat e Specializuara që ndryshe njihen si Gjykata e Posaçme trajtojnë pretendimet për krime lufte të ish-pjesëtarëve të Ushtrisë Çlirimtare të Kosovës.
Tashmë në Hagë ndodhen edhe pesë ish zyrtarë të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi të cilët janë arrestuar në nëntor të vitit të shkuar.
