Mitrovicë, 11 qershor - Kryetari i Komunës, Agim Bahtiri, ka pritur këshilltarin për politika të jashtme dhe koordinator për dialogun për veriun,  në Zyrën e Bashkimit Evropian në Prishtinë, Boyd Mckechnie.

Ata kanë biseduar për përgatitjen e takimit, që në kuadër të Grupit punues për Liri të Lëvizjes (ura e Mitrovicës) do të mbahet të mërkurën, më 17.06.2015 në Bruksel, ku do të marrin pjesë edhe kryetari Bahtiri dhe kryetari i komunës së re në veri të Mitrovicës, Goran Rakiq.

Në takim do të bisedohet për çështjet që kanë mbetur për tu biseduar që nga takimi i korrikut të vitit 2014, me ç’rast do të propozohen zgjidhje konkrete lidhur me urën kryesore të qytetit mbi lumin Ibër.

Kryetari Bahtiri tha se është i gatshëm për të marrë pjesë në bisedime lidhur me këtë çështje tepër të rëndësishme për të gjithë qytetarët e  Mitrovicës, pa marrë parasysh përkatësinë e tyre etnike.