Prishtinë, 27 shtator - Ministria e Mbrojtjes (MM) dhe Forca e Sigurisë së Kosovës (FSK) organizon konferencën vjetore ndërkombëtare “FSK dhe partnerët 2022”.

Në këtë konferencë do të marrin pjesë ambasadorë, atashe të mbrojtjes si dhe përfaqësues tjerë diplomatikë dhe ushtarakë të të gjitha shteteve partnere.

Gjithashtu do të marrin pjesë: ministri i Mbrojtjes, Armend Mehaj, komandanti i FSK-së, gjenerallejtnant Bashkim Jashari, shefi i shtabit të KFOR-it, gjeneralbrigade John B. Bozicevic, drejtori i NALT-it, gjeneralbrigade Joachim Hoppe, të cilët në sesionin e parë do të paraqiten me fjalimet e tyre.