Lansohet Java Kundër - korrupsionit
Më ketë rast ambasadorët e vendeve të QUINT-it, së bashku me përfaqësuesit e UNDP-së dhe Institutit Demokratik të Kosovës, do të mbajnë fjalime në hapjen e Javës së Anti-Korrupsionit në Kosovë.
Po ashtu Instituti GAP dhe organizatat e koalicionit “Java kundër korrupsionit”, në mbështetje të Ambasadës Amerikane në Kosovë organizojnë tryezën me temë “Luftimi i korrupsionit përmes transparencës buxhetore dhe rishikimit të raporteve të Auditorit të Përgjithshëm".
Në këtë tryezë si temë diskutimi do të shtrohet transparenca buxhetore dhe raportet e Zyrës së Auditorit të Përgjithshëm për rregullsinë e shpenzimeve.
A janë të mjaftueshme për informimin e plotë të qytetarëve format aktuale të raportimit buxhetor dhe çfarë mund të bëhet më shumë në rritjen e transparencës buxhetore me qëllim të parandalimit, identifikimit dhe luftimit të korrupsionit në menaxhimin e parasë publike?
Të ftuar në këtë tryezë do të jenë Ministri i Financave z. Avdullah Hoti, Auditori i Përgjithshëm z. Besnik Osmani si dhe Zëvendësdrejtori i Misionit të USAID-it në Kosovë, z. Mike De La Rosa.
