Prishtinë, 10 tetor - Policia e Kosovës në bashkëpunim me Forumin e Kosovës për Siguri në Rrugë organizon konferencë e cila ka të bëjë me ngritjen e nivelit të sigurisë në komunikacionin rrugor.

Në vazhdën e aktiviteteve të parapara për vjeshtën e këtij viti, në këtë konference do të lansohet fushata vetëdijësuese e quajtur \"Mos e bjer punën deri këtu\". 

Kjo fushatë ka për qëllim që përmes disa spoteve televizive të ndikojë në vetëdijësimin dhe vigjilencën e çdo pjesëmarrësi në trafik, në respektimin e rregullave dhe shenjave të komunikacionit rrugor, me qëllim të ngritjes së nivelit të sigurisë në trafik.

Për të dhënë informacione më të detajuara në këtë konferencë, në cilësi të panelistëve janë paraparë përfaqësuesit kompetent të Policisë së Kosovës, Forumit të Kosovës për siguri në rrugë (FKSRR), Byrosë Kosovare të Sigurimeve, OSBE-së dhe ICITAP-it.