Kukës, 23 gusht – Një aksident i rëndë ndodhi sot në mbrëmje në Kukës, ku një kamion i tonazhit të rëndë përfundoi në greminë, duke shkaktuar vdekjen e drejtuesit.

Mësohet se aksidenti ndodhi në rrugën Fushë-Dukagjin – Drini i Zi si pasojë e humbjes së kontrollit të mjetit, i cili përfundoi në greminë.

Policia e Kukësit tha se drejtuesi i mjetit është identifikuar si shtetasi Bedri Fetahu, 49-vjeç nga Kosova, i cili humbi jetën pasi mbërriti në spital.

Ende nuk dihet nëse shoferi udhëtonte i vetëm, apo kishte edhe shoqërues, ndërkaq vijojnë hetimet e policisë për të zbardhur shkaqet e aksidentit.