Prishtinë, 29 mars - Kryeministri i Republikës së Kosovës, Ramush Haradinaj, pas operacionit të ndërmarrë nga AKI në bashkëpunim me Policinë e Kosovës ku janë ndaluar dhe deportuar 6 qytetarë turq, në përputhje me përgjegjësit e tij kushtetuese dhe ligjore ka kërkuar raportim nga Drejtori i AKI-së, Driton Gashin, drejtori i Përgjithshëm i Policisë së Kosovës, Shpend Maxhuni, ministri i Punëve të Brendshme, Flamur Sefaj dhe ministri i Drejtësisë, Abelard Tahir me kërkesën për përgjegjësitë e tyre Kushtetuese dhe Ligjore.

“Kërkoj nga ju, që në përputhje me përgjegjësitë tuaja Kushtetuese dhe Ligjore, raportim të plotë dhe të saktë lidhur me rastin e ndalimit dhe deportimit të gjashtë qytetarëve turq nga Kosova. Pse u revokuan lejeqëndrimet e tyre? Pse u bë ndalimi i tyre? Pse janë deportuar me urgjencë dhe në fshehtësi?”.