Prishtinë, 24 shkurt - Ministria e Punëve të Brendshme e Republikës së Kosovës dhe Agjencia Kombëtare për Krime e Mbretërisë së Bashkuar e Britanisë së Madhe dhe Irlandës Veriore, do të nënshkruajnë memorandum të mirëkuptimit për bashkëpunim në Luftën Kundër Krimit të Organizuar.

Memorandumi do të nënshkruhet nga ministri i Punëve të Brendshme, Skender Hyseni dhe Stephen (Steve) Bennett, kryeshef i Agjencisë  Kombëtare për Krime në Mbretërinë e Bashkuar të Britanisë së Madhe dhe Irlandës Veriore.

Ceremonia e nënshkrimit të memorandumit dhe prononcimet për media, do të mbahen nesër më 24 shkurt në objektin kryesor të MPB-së, duke filluar prej orës 09:30.