Prishtinë, 16 qershor – Policia e Kosovës njofton se me urdhër të prokurorit në Han të Elezit është bastisur objekti ndihmës (garazhi) pronë e të dyshuarit mashkull shqiptar me ç‘rast janë gjetur dhe konfiskuar pesticide në sasi të konsiderueshme të kontrabanduar nga Maqedonia.

“Malli i konfiskuar i dorëzohet Doganës, ndërsa rasti shkon në procedurë të rregullt”, njofton policia.  

Në një rast tjetër në fshatin Novosellë dje në orën 21:30, njësiti patrullues ka ndaluar veturën të cilën e drejtonte i dyshuari mashkull shqiptar, shtetas i Serbisë, ku gjatë kontrollit i janë gjetur 135 kilogram mjaltë pa dokumente. Edhe në kët rast, policia bën të ditur se malli i konfiskuar i dorëzohet Doganës , ndërsa rasti shkon ne procedure te rregullt.