Prishtinë, 18 prill - Një delegacion i Komunës së Prishtinës, i udhëhequr nga Kryetari i Komunës Shpend Ahmeti​, sot, me rastin e Ditës së Dëshmorëve të Prishtinës, bëri homazhe tek varrezat e dëshmorëve në Velani, si dhe te shtatorja e heroit, Zahir Pajaziti.

Me këtë rast, Kryetari Shpend Ahmeti tha se në këtë ditë përkujtojmë ata që e dhanë gjënë më të shtrenjtë, jetën e tyre, që ne të jetojmë në liri. \" Është detyrë e secilit prej nesh që kauzën ta çojmë një hap përpara, edhe pse atë që mund ta bëjmë ne është tepër e vogël në krahasim me ta. \"

Ai poashtu tregoi se Komuna e Prishtinës ka filluar rregullimin e varrezave të dëshmorëve edhe në Vitit të Marecit,dhe shumë shpejtë do të kërkohet edhe nga Ministria e Planifikimit që varrezat e dëshmorëve në Prishtinë të kalohen në kompetencë të Komunës, në mënyrë që edhe ato të rregullohen.