Prishtinë, 14 shtator - Koalicioni i OJQ-ve për Mbrojtjen e Fëmijëve - KOMF, do të ofrojë nën financime për shtatë organizata lokale të cilat do të mbështeten për hartimin e planeve komunale për mbrojtjen e fëmijëve, në shtatë komuna të Kosovës.

Mbështetja ofrohet në kuadër të projektit “Mbrojtja e të Drejtave të Fëmijëve në Kosovë” financuar nga Zyra e BE-së në Kosovë, dhe vlera totale e nën financimeve është 111,977.60 €.

Projekti synon të forcojë kapacitetet e organizatave lokale të shoqërisë civile në fushat e advokimit dhe mbrojtjes së të drejtave të fëmijëve.

Organizatat e financuara do të punojnë dhe mbështesin shtatë komuna për të zhvilluar plane veprimi për mbrojtjen e të drejtave të fëmijëve.

Pas thirrjes për propozime dhe përfundimit të procesit të vlerësimit, projekti zyrtarisht shpall organizatat fituese si më poshtë:

Për komunën Prishtinë: Civil Rights Program Kosovo – CRPK

Për komunën Fushë Kosovë: AKTI NGO

Për komunën Gjilan: Network of Peace Movement – NOPM

Për komunën Mitrovicë: Shpresa dhe Shtëpi për Fëmijët – SDSF

Për komunën Pejë: George Williams Youth Association – GWYA

Për komunën Lipjan: POLIS

Për komunën Ferizaj: Organizata e Fëmijëve pa Kujdes Prindëror - OFAP