Prishtinë, 4 tetor - Këshilli për Mbrojtjen e të drejtave dhe Lirive të Njeriut në Kosovë e ka quajtur “të panevojshme” vrasjen e drejtorit të Drejtorisë së Arsimit në Komunën e Prishtinës, Remzi Salihu, ndërsa vlerësoi se ka mundur të evritohet vrasja e tij.

Konstatimi i KMLDNJ-së pasoi vizitën të cilën monitoruesit e këtij këshilli ia bënë Qendrës së Ndalimit në Prishtinë, ku po mbahet aktualisht i burgosur Gani Sahiti, i cili u arrestua lidhur me vrasjen e Salihut.

“Pas vizitës KMDLNj konstaton se ndaj të ndaluarit Gani Sahiti nuk ka pasur shkelje të  drejtave të tij si person i privuar nga liria dhe se është vepruar në përputhje të plotë me ligjin. I arrestuari nuk ka deklaruar se ka probleme shëndetësore apo probleme të ndonjë natyre tjetër”, thuhet në komunikatën e lëshuar nga KMLDNJ-ja.