KMDLNj u takua me ministren e Drejtësisë , znj. Dhurata Hoxha!
KMDLNj i prezentoi ministres punën që bënë rreth monitorimit të drejtave të njeriut në përgjithësi si dhe për monitorimin në kuadër të mandatit për monitorimin e respektimit e të drejtave të njeriut në institucionet e ndalimit, qendrat e paraburgimit dhe qendrat korrektuese , në veçanti mbi respektimin e të drejtave të personave të privuar nga liria në institucionet e privimit të lirisë, respektimin e kornizes ligjore vendore si dhe zbatimin e standardeve ndërkombëtare për personat e privuar nga liria.
Para ministres u prezantua një pasqyrë e gjendjes në Shërbimin Korrektues të Kosovës nga këndvështrimi i organizatës joqeveritare dhe institucioni të pavarur. Gjithashtu, KMDLNj prezantoi para ministres disa rekomandime më urgjente dhe që do të ndikonin në përmirësimin e kushteve për personat e privuar nga liria, për stafin e angazhuar në Shërbimin Korrektues, për Shërbimin Korrektues dhe për Ministrinë e Drejtësisë.
Me Ministren u arritë pajtueshmëri për të vazhduar bashkëpunimin dhe që ky bashkëpunim të jetë i suksesshëm edhe në të ardhmen.
