KMDLNJ kërkon rihetim të ngjarjeve të 10 shkurtit 2007
“Në këto protesta janë ekzekutuar nga afërsia dy protestues paqësorë, Arben Xheladini dhe Mon Balaj ndërsa rëndë dhe lehtë janë lënduar mbi 100 protestues. Pas ekzekutimit të tyre ka filluar një ndjekje e atyre që kanë marrë pjesë në këto protesta apo që konsiderohet se janë përgjegjës për organizimin e tyre”, thuhet në një letër të hapur të KMDLNJ-së dërguar kryeprokurorit Kabashi.
Sipas KMDLNJ-së, rasti i ekzekutimit të Arben Xheladinit dhe Mon Balajt, si dhe dhunimi në masë të gjerë i të drejtave të njeriut nga një pjesë e medieve të shkruara dhe elektronike, policia dhe politika nuk mund të konsiderohen si ad acta, raste të mbyllura por duhet të rinisin hetime për sqarimin përfundimtar.
