KGJ organizon konferencën e gjashtë vjetore gjyqësore
Në këtë konferencë do të marrin pjesë tërë struktura e sistemit të drejtësisë në Kosovës për të diskutuar temën ‘’Gjendja aktuale në Gjyqësorin e Kosovës’’.
Në konferencë, do të diskutohet për të arriturat në Sistemin Gjyqësor të Kosovës, gjendjen aktuale në gjykata , sfidat e riorganizimit nga viti 2013 dhe nevojat për vazhdimin e reformimit të gjyqësorit.Po ashtu temë diskutimi do te jenë edhe kualiteti i drejtësisë, llogaridhënia dhe transparenca si dhe Pakoja e Ligjeve për Gjyqësorin.
Në pjesën hyrëse te punimeve të pranishmeve me nga një fjalë rasti pritet t’i adresohen kryesuesi i KGJK-së z.Nehat Idrizi, kryetari i Gjykatës Supreme z. Fejzullah Hasani, udhëheqës të sistemit prokurorial dhe përfaqësues te misioneve diplomatike në Kosovë.
Prezantime të shkurtra do të jenë nga Fejzullah Hasani, Kryetar i Gjykatës Supreme të Kosovës, Dhurata Hoxha, Ministre në Ministrinë e Drejtësisë, Blerim Isufaj, Kryesues i Këshillit Prokurorial të Kosovës, Aleksandër Lumezi, Kryeprokuror i Prokurorisë së Shtetit të Kosovës, Nataliya Apostolova, Përfaqësues Special i Zyrës së BE-së në Kosovë dhe Jan Braathu, Ambasador i Misionit të OSBE-së në Kosovë.
