Prishtinë, 6 nëntor - Komandanti i KFOR-it, Gjeneral Majori Halbauer mirëpriti vizitorët nga organizata të ndryshme qeveritare dhe jo qeveritare në shtabin kryesor të KFOR-it në Kampin Film City në Prishtinë dje, për të përcaktuar  tetë  pikët  fokale gjinore mbrenda KFOR-it. 

Pikët fokale gjinore  janë nga njësi të ndryshme  në KFOR  dhe do të punojnë ngushtë me këshilltarin për barazi gjinore të Komandantit të KFOR-it Major Wohlschak, në implementimin e Rezolutës 1325 të Kombeve të Bashkuara  për  gratë, paqen dhe sigurinë në operacionet e KFOR-it. 

Ngjarja poashtu përkujtoi 12 vjetorin e adpotimit të resolutës 1325 nga Këshilli i Sigurimit të Kombeve të Bashkuara me 31 Tetor 2000.

Gjeneral Major Halbauer tha “paraardhësi im Gjeneral Majori Drews, ka punuar me shumë prej juve gjatë vitit të fundit dhe unë mirëpres të vazhdoj dhe të zgjeroj bashkëpunimin për të dihmuar në ndërtimin e një ambienti të qetë dhe të sigurtë për të gjithë në Kosovë.”

Në emër të të gjithë  mysafirëve të ftuar  nga oraganizata të ndryshmë joqeveritare, Veprore Shehu, Drejtoreshë Ekzekutive e Medica Kosovë, falenderoi Majoren Schleicher për kontributin e saj të shkëlqyer  dhe bashkëpunimin  gjatë këtyre 18 muajve.

Svetlana Stevic, Drejtoreshë e Organizatës joqeveritare Majka devet Jugovica, shtoi se ajo dhe organizata e saj  patën mundësi të njohin KFOR-in shumë më mirë dhe më personalisht nëpërmjet bashëpunimit të mirë dhe të ngushtë me  Majoren Schleicher.

Këshilltari i parë KFOR-it për barazi gjinore është  caktuar pak më shumë se 2 vjet më parë dhe është përgjegjës për të siguruar që KFOR-i t’i marrë parasysh nevojat e ndryshme  të sigurisë të burrave, grave,  djemve dhe vajzave  në Kosovë.