Prishtinë, 4 prill - Rreth 150 ushtarë të KFOR-it, filluan sot tërheqjen nga Shtërpca për tu vendosur në bazën Bondstill.

Ushtarët nga Ukraina dhe Polonia ishin të vendosur në Shtërpce që prej afro 11 vjetësh, ndërsa tani do t'i mbikëqyrin zhvillimet në Shtërpce përmes patrullimeve.

Komandanti i batalionit, Mihail Zabrocki tha se ushtarët e lanë pas situatën e mirë të sigurisë,dh tani do ta ndjekin situatën nga baza amerikane Bondstill.

"Policia e Kosovës duhet vetë të punojë për ruajtjen e sigurisë, ndërsa KFOR-i do jetë hapi i dytë apo i tretë i sigurisë. Në çdo moment do të jemi të gatshëm t'u ndihmojmë njerëzve në komunën e Shtëprces", theksoi Zabrocki.