KFOR-i dhe FSK-ja e mbyllin urën në Mitrovicë
Prishtinë, 27 korrik - KFOR njofton se të shtunën dhe të dielen në bashkëpunim me FSK-në, do e realizojnë inspektimin e urës MBJ në Mitrovicë/jug.
"Gjatë këtij aktiviteti, ura do të mbyllet dhe qarkullimi i trafikut do të ndërpritet përkohësisht. Me qëllim të garantimit të lëvizjes, tranziti i automjeteve do të ridrejtohet përmes tunelit", njofton KFOR-i.
Gjatë këtyre ditëve personeli i Policisë së Kosovës do ta shpallë mbylljen e urës MBJ me njoftime rreth asaj zone edhe përmes Radio Mitrovicës.
KFOR-i thotë se po bën përpjekje që kjo masë që të ketë ndikim minimal në rrjedhën e trafikut.
