Prishtinë, 3 qershor - KFOR ka bërë të ditur se njësitet manovruese të KFOR-it, do të kryejnë një ushtrim operacional në bashkërendim të ngushtë me EULEX-in, Policinë e Kosovës dhe Forcat e Sigurisë së Kosovës.

Aktiviteti trajnues do të mbahet në dy lokacione të ndryshme: Kazerma e Forcës së Sigurisë së Kosovës, Kampin “Pomazatin” dhe Baza e KFOR-it, Kampin “Villaggio Italia”, në Pejë.

Qëllimi i ushtrimit është të rritet aftësia e KFOR-it, në mënyrë që të ruhet gatishmëria e trupave dhe të rritet fleksibiliteti operacional i njësiteve.

Harmonizimi i teknikave, taktikave dhe procedurave është objektivi qenësor i ushtrimit.