Prishtinë, 14 qershor – Këshilli Prokurorial i Kosovës përmes një kumtese është shprehur i shqetësuar me kërcënimin që i është bërë prokurorit të Prokurorisë Themelore në Prizren, Besim Susuri, e që ndërlidhet me punën e tij zyrtare.

\"Për Këshillin, aktet e tilla të kërcënimeve ndaj prokurorëve janë të pa tolerueshme dhe se të njëjtat merrën shumë seriozisht. Këshilli qëndron fuqishëm pranë prokurorëve, i mbështet ata në punën e tyre të përditshme dhe i inkurajon në përmbushjen e misionit të tyre\", thuhet në kumtesë.

KPK siguron publikun se kjo çështje është duke u trajtuar seriozisht dhe me nivelin e duhur të urgjencës të cilën e meriton kjo situatë.