Prishtinë, 18 tetor - Policia e Kosovës ka arrestuar të burgosurin Rushit Muhamet Thaçi, i cili para dy ditëve së bashku me të burgosurin Sabit Baki Behluli, janë arratisur nga Qendra Korrektuese në Dubravë.

I burgosuri Rushit Muhamet Thaçi, i lindur më 28 dhjetor 1974, është i dënuar me 15 vite burg, për vepër penale “Vrasje”.

Ndërsa, i burgosuri Sabit Baki Behluli, i lindur më 20 gusht 1985 dhe i dënuar me 2 vite e 1 muaj burg, për vepër penale “Vjedhje e Rënd”, sot ka lajmëruar Qendrën Korrektuese në Dubravë, që nesër do të kthehet në këtë institucion.

Me këtë rast, Ministria e Drejtësisë falënderon Policinë e Kosovës, për profesionalizmin, efikasitetin dhe shpejtësinë e treguar në kapjen e të arratisurit nga Qendra Korrektuese në Dubravë.